Elektromobillar ishlab chiqarish bilan shug‘ullanuvchi Amerikaning Tesla kompaniyasi 1-aprel kuni kompaniya rahbari Ilon Mask tomonidan yozilgan hazil postdan so‘ng, tekila sotishni boshladi. Kompaniya kichik seriyada Tesla Tequila alkogol ichimligini ishlab chiqargan, deb yozadi “Korrespondent.net”.
Ilon Maskning Twitter’dagi sahifasida e’lon qilingan hazil postda yozilishicha, Tesla bankrot bo‘lgan, uning o‘zini esa Model 3 elektromobili yonidan atrofiga “Teslakila”ning bo‘sh shisha idishlari tashlangan holda mast ahvolda topishgan.
Bu kabi bayonotdan keyin kompaniya cheklangan miqdordagi Tesla Tequila’ni ishlab chiqarishga qaror qilgan. Ichimlik yashin shaklidagi maxsus shisha idishlarga quyiladi, bu kabi idishlarning donasi 250 dollar. Spirtli ichimlik faqat AQSh bo‘ylab yetkazib beriladi.
Avvalroq Tesla Xitoydan 50 mingga yaqin avtomobilini chaqirib olishga majbur bo‘layotgani to‘g‘risida xabar berilgandi. Bunga Xitoy davlat tashkiloti Model S va Model X modellarining “podveska”sida muammolarni aniqlagani sabab bo‘lgan.
Izoh (0)