“Auto.ru” saytida 1982-yilda ishlab chiqarilgan “VAZ-21013” 1,1 million rubl narxida (14,2 ming dollar) sotuvga qo‘yildi — bu pulga yangi 145 ot kuchiga ega motor o‘rnatilgan yangi Lada Vesta Sport xarid qilish mumkin, deb yozadi Motor.
“Kopeyka” sotuvchisining so‘zlariga ko‘ra, mashina restavratsiya qilinmagan va u to‘liq original holatda. 38 yil davomida avtomobilga bir kishigina egalik qilgan bo‘lib, u mashinani haydamasdan, issiq garajda saqlagan. Mashina 70 kilometr yo‘l bosgani shu bilan izohlanmoqda.
“VAZ-21013” kuzovi original jigarrangga bo‘yalgan va suratlardan ko‘rish mumkinki, u ideal holatda. Salondagi o‘rindiqlar qora sun’iy charm bilan qoplangan va ilk holatidagidek saqlab qolingan. Kapoti ostida ekspluatatsiya alomatlari ko‘rinmaydi, yukxonasida zaxira g‘ildiragi mavjud. “Kopeyka”ga 64 ot kuchiga ega 1,2 litrli motor o‘rnatilgan bo‘lib, u to‘rt pog‘onali mexanik uzatmalar qutisi yordamida boshqariladi.
Ta’kidlanishicha, 1,1 million rubl — ideal holatda bo‘lsa-da, bu kabi avtomobil uchun qimmatlik qiladi. Masalan, oktabr oyining o‘rtalarida 1974-yilda ishlab chiqarilgan “VAZ-2101” salkam 550 ming rublga baholangan edi.
Mavzuga doir: Video: 38 yildan beri ideal holatda saqlangan “Kopeyka”
Izoh (0)