Toshkentda Nexia-3 hamda Spark o‘rtasida sodir bo‘lgan YTH natijasida voyaga yetmagan bola vafot etdi, deya xabar bermoqda shahar IIBB.
Qayd etilishicha, 2020-yil 5-noyabr kuni soat 21:00 da Bog‘ishamol va Chingiz Aytmatov ko‘chalari kesishmasida davlat raqami 01 W 388 GB bo‘lgan Nexia-3 rusumli avtomobilni tegishli hujjatlarsiz boshqarib borgan 16 yoshli A.B. 20 yoshli Abdulfozil A. ishonchnoma asosida boshqarib borgan davlat raqami 01 Y 739 UA bo‘lgan Spark rusumli avtomobilga to‘qnashgan.
Natijada Nexia-3 avtomobili haydovchisi YTH oqibatida yetgan badan shikastlari tufayli voqea joyida vafot etgan.
YTHning taxminiy sababi sifatida Nexia-3 avtomobili haydovchisi svetoforning taqiqlovchi belgisiga bo‘ysunmay harakat qilgani ta’kidlangan.
YTH tafsilotlarini o‘rganish ishlari davom etmoqda.
Avvalroq Chilonzorda avtomobil boshqaruvini yo‘qotib, daraxtga urilgan 21 yoshli haydovchi voqea joyida vafot etgani haqida xabar qilingandi.
Mavzuga doir:
- Andijonda Damas yuk mashinasiga urilishi oqibatida voyaga yetmagan yo‘lovchi halok bo‘ldi
- Farg‘onada avtomobil boshqaruvini yo‘qotib, daraxtga urilgan 16 yoshli haydovchi shifoxonada vafot etdi
- “16 yoshda oliftalik va maqtanchoqlik ham avjiga chiqadi”. YHXBB O‘zbekistonda 16 yoshdan avtomobil boshqarishga ruxsat berish to‘g‘risidagi petitsiyaga munosabat bildirdi
Izoh (0)