Toshkent viloyatida Daimler-Benz va Matiz ishtirokida yo‘l-transport hodisasi sodir bo‘ldi, deya xabar bermoqda YHXBB.
Ma’lum qilinishicha, 2020-yilning 6-noyabr kuni soat 8:00 larda Yuqori Chirchiq tumani tibbiyot birlashmasining bergan xabariga ko‘ra, Toshkent viloyati, Parkent tumani, “Markaziy” mahallasi hududidan o‘tgan 4R-15 Qiziltog‘–Parkent–Yangibozor avtomobil yo‘lining 66-kilometrida haydovchi, 1960-yilda tug‘ilgan Z.M. Daimler-Benz rusumli avtomobilda qarama-qarshi yo‘nalishga chiqib ketgan.
Oqibatda qarshisidan kelayotgan haydovchi, 1972-yilda tug‘ilgan K.N. boshqaruvidagi Matiz rusumli avtomobil bilan to‘qnashgan.
Natijada Matiz rusumli avtomobil haydovchisi – 48 yoshli K.N. og‘ir tan jarohatlari olib, voqea joyida vafot etgan. Shuningdek, yo‘lovchi – 37 yoshli V.B. tan jarohatlari olib, shifoxonaga yotqizilgan.
Mazkur YTH yuzasidan Parkent tumani IIB huzuridagi Tergov bo‘limi tomonidan tergovga qadar surishtiruv ishlari olib borilmoqda.
Avvalroq Sirdaryoda Nexia yo‘ldan o‘tayotgan ona-bolani urib yuborgani, Qashqadaryoda qarama-qarshi yo‘nalishga chiqib ketgan “Moskvich” mototsiklni urib yuborgani va Toshkentda daraxtga urilgan Spark haydovchisi voqea joyida vafot etgani haqida xabar berilgandi.
Izoh (0)