Andijon viloyati Qo‘rg‘ontepa tumanida Damas haydovchisi boshqaruvni yo‘qotishi oqibatida yo‘l-transport hodisasi sodir bo‘ldi, deya xabar bermoqda YHXBB.
Ma’lum qilinishicha, 2020-yil 22-sentabr kuni soat 15:30 larda fuqaro M.A o‘zining Damas rusumli avtomashinasini Qo‘rg‘ontepa tumani, “Tadbirkor” MFY o‘ramidan o‘tgan Savay–Qo‘rg‘ontepa avtomobil yo‘lining Qo‘rg‘ontepa yo‘nalishi bo‘yicha boshqarib ketayotgan vaqtida boshqaruvni yo‘qotgan.
Natijada qarama-qarshi yo‘nalishda kelayotgan fuqaro A.A.ning “ZIL–130” rusumli yuk mashinasiga borib urib, yo‘l-transport hodisasi sodir etgan. Buning oqibatida Damas avtomobilining salonida bo‘lgan voyaga yetmagan fuqaro O.K. voqea joyida vafot etgan.
Mazkur holat yuzasidan Qo‘rg‘ontepa tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Navoiyda sodir bo‘lgan YTH oqibatda haydovchi va piyoda vafot etdi
- Chilonzorda avtomobil boshqaruvini yo‘qotib, daraxtga urilgan 21 yoshli haydovchi voqea joyida vafot etdi
- Navoiyda Nexia yo‘ldan o‘tayotgan shifokorni urib ketdi. Jabrlanuvchi shifoxonada vafot etdi
- Sirdaryoda Nexia va MAN ishtirokida yuz bergan YTH natijasida yengil avtomobil yonib ketdi
Izoh (0)