Qamchiq dovonida Damas o‘zidan oldinda ketayotgan yuk mashinasiga urilishi oqibatida bir kishi halok bo‘ldi, deya xabar bermoqda YHXBB.
Qayd etilishicha, 2020-yil 3-noyabr kuni 13:30 larda Toshkent–O‘sh yo‘lining 247-kilometrida Andijon viloyatida yashovchi 1981-yilda tug‘ilgan fuqaro Damas rusumli avtomashinasini boshqarib borayotib o‘zidan oldinda harakatlanib ketayotgan Qozog‘istonning Olmaota viloyatida yashovchi fuqaro boshqaruvidagi Volvo rusumli yuk mashinasining orqa tomoniga urilgan.
Natijada Damas’ning old o‘rindig‘ida ketayotgan haydovchining 33 yoshli turmush o‘rtog‘i og‘ir tan jarohati olib voqea joyida vafot etgan. Holat bo‘yicha surishtiruv ishlari olib borilmoqda.
Mas’ullar tomonidan ushbu YTHga sabab bo‘lgan omillar o‘rganildi. Unga ko‘ra, yo‘lning hodisa sodir bo‘lgan qismi tungi yoritish chiroqlari bilan yoritiladi. Shuningdek, 2021-yilda dovondagi yo‘l nishabini inobatga olib, qo‘shimcha 9 ta favqulodda yo‘lakcha tashkil etish belgilandi.
Izoh (0)