Rossiyada so‘nggi sutkada 19 768 kishida koronavirus aniqlandi, deb xabar bermoqda Meduza. Bu kasallanganlar soni kunlik ortishi bo‘yicha yangi rekord — shu kungacha ular soni 19 mingdan oshmagandi.
Sutka davomida eng ko‘p kasallanganlar Moskva (+5826), Sankt-Peterburg (+1031) va Moskva viloyatida (+569) qayd etilgan. Mamlakatda pandemiya boshlanganidan buyon kasallanganlarning umumiy soni 1 693 454 kishiga yetdi.
Sutka davomida infeksiyadan 389 kishi, epidemiya boshlanganidan buyon esa 29 217 kishi vafot etgan.
So‘nggi sutkada COVID-19’ni aniqlash uchun 492 mingta test o‘tkazilgan.
Rossiyada kasallanganlar soni oshayotganiga qaramay, hukumat mamlakatda koronavirus tarqalishi tufayli qat’iy cheklovlarni joriy qilishni rejalashtirmayapti. Shunga qaramay, mamlakat aholisi yangi karantindan qo‘rqib mahsulotlarni g‘amlab qo‘ya boshladi.
Izoh (0)