Turkiyada sodir bo‘lgan zilzila qurbonlari soni 114 kishiga yetdi. Bu haqda mamlakat Favqulodda vaziyatlar va tabiiy ofatlar bo‘yicha davlat agentligiga tayanib, “RBK” xabar berdi.
“114 nafar fuqaromiz halok bo‘ldi. 1035 nafar jarohat olganlarning 898 nafariga shifoxonadan javob berilgan, 137 fuqaro hamon davolanishda”, — deyiladi xabarda.
Tabiiy ofat oqibatida Izmirdagi 17 ta bino vayron bo‘lgan. Qutqaruv tadbirlarida qutqaruv xizmatlarining jami 7889 nafar xodimi ishtirok etgan.
Anadolu’ning yozishicha, zilzila oqibatida vayron bo‘lgan Izmirdagi turar joy binolari hududida qidiruv-qutqaruv ishlari yakunlangan.
“Qidiruv-qutqaruv jamoasi ishlarini yakunladi. Odamlarni qutqarishga o‘z hissasini qo‘shgan har bir qutqaruvchi va volontyorga minnatdorchilik bildirishni istardim”, — deb yozadi Turkiya hukumati huzuridagi tabiiy ofatlar oqibatini bartaraf etish boshqarmasi rahbari Mehmet Gulluo‘g‘li o‘zining Twitter’dagi sahifasiga.
Mavzuga doir:
Eslatib o‘tamiz, zilzila 30-oktabr kuni tushdan keyin Turkiyaning g‘arbiy qismida sodir bo‘lgan, uning kuchi 6,6 ballni tashkil etgandi. Zilzila epimarkazi Egey dengizida, Izmir viloyatining Seferihisar shahri yaqinida bo‘lgan.
Izoh (0)