Россияда сўнгги суткада 19 768 кишида коронавирус аниқланди, деб хабар бермоқда Meduza. Бу касалланганлар сони кунлик ортиши бўйича янги рекорд — шу кунгача улар сони 19 мингдан ошмаганди.
Сутка давомида энг кўп касалланганлар Москва (+5826), Санкт-Петербург (+1031) ва Москва вилоятида (+569) қайд этилган. Мамлакатда пандемия бошланганидан буён касалланганларнинг умумий сони 1 693 454 кишига етди.
Сутка давомида инфекциядан 389 киши, эпидемия бошланганидан буён эса 29 217 киши вафот этган.
Сўнгги суткада COVID-19’ни аниқлаш учун 492 мингта тест ўтказилган.
Россияда касалланганлар сони ошаётганига қарамай, ҳукумат мамлакатда коронавирус тарқалиши туфайли қатъий чекловларни жорий қилишни режалаштирмаяпти. Шунга қарамай, мамлакат аҳолиси янги карантиндан қўрқиб маҳсулотларни ғамлаб қўя бошлади.
Изоҳ (0)