AQSh prezidenti Donald Tramp Oq uyda saylovlarda berilgan ovozlarni hisoblash fonida o‘z tarafdorlari oldida chiqish qildi, deb xabar bermoqda Meduza.
“Natijalar aqlbovar qilmas darajada. Biz barchamiz g‘olib bo‘lyapmiz”, — degan prezident.
Prezident qo‘llab-quvvatlashlar uchun Amerika xalqiga va o‘z oilasiga minnatdorlik bildirdi. U ikkilanayotgan aksariyat shtatlarda, xususan, Jorjiya, Shimoliy Karolina, Texas va shuningdek “uncha ham kerek bo‘lmagan Viskonsin shtatida”, g‘alaba qozonganini aytdi, “Axir biz Texasni qo‘lga oldik”, — degan Tramp.
“Lekin eng asosiysi — biz Pensilvaniyada g‘alaba qozonyapmiz. Katta farq bilan”, — deb ta’kidlagan prezident, shundan so‘ng yig‘ilganlar o‘rnidan turib gurliros qarsak chalgan.
Shu bilan birga, Tramp hisoblash jarayonini “xalqimizning aldovi” deb atadi va uni to‘xtatish uchun Oliy sudga borishga va’da berdi.
Izoh (0)