DTM test sinovlari vaqtida 20 mlrd so‘mdan ortiq xarajat qilganini ma’lum qildi

Davlat test markazi O‘zbekiston oliy ta’lim muassasalariga kirish uchun o‘tkazilgan imtihonda qancha xarajat qilganini ochiqladi.

Ma’lumotlarga ko‘ra:

• guruh nazoratchilarining ish haqiga – 11 milliard 578 million so‘m;
• ochiq maydonlar ijarasi (Botanika bog‘i, O‘zbekiston yengil atletika federatsiyasi va Paxtakor sport majmuasi) uchun 127 million 592 ming so‘m;
• tibbiy niqob uchun (900 so‘mdan 1 million 517 ming dona) 1 milliard 365 million so‘m;
• tibbiy qo‘lqop uchun (700 so‘mdan 3 million 034 ming dona) 2 milliard 124 million so‘m;
• ichimlik suvi uchun (900 so‘mdan 1 million 517 ming dona) 1 milliard 365 million so‘m;
• ruchka uchun (330 so‘mdan 1 million 517 ming dona) 500 million so‘m;
• kepka uchun (198 ming dona) 1 milliard 698 million so‘m;
• nazoratchilarning tushligi uchun (13 kunga 12,6 ming dona tushlik, 31 ming so‘mdan) 1 milliard 587 million so‘m sarflangan.