ДТМ тест синовлари вақтида 20 млрд сўмдан ортиқ харажат қилганини маълум қилди

Давлат тест маркази Ўзбекистон олий таълим муассасаларига кириш учун ўтказилган имтиҳонда қанча харажат қилганини очиқлади.

Маълумотларга кўра:

• гуруҳ назоратчиларининг иш ҳақига – 11 миллиард 578 миллион сўм;
• очиқ майдонлар ижараси (Ботаника боғи, Ўзбекистон енгил атлетика федерацияси ва Пахтакор спорт мажмуаси) учун 127 миллион 592 минг сўм;
• тиббий ниқоб учун (900 сўмдан 1 миллион 517 минг дона) 1 миллиард 365 миллион сўм;
• тиббий қўлқоп учун (700 сўмдан 3 миллион 034 минг дона) 2 миллиард 124 миллион сўм;
• ичимлик суви учун (900 сўмдан 1 миллион 517 минг дона) 1 миллиард 365 миллион сўм;
• ручка учун (330 сўмдан 1 миллион 517 минг дона) 500 миллион сўм;
• кепка учун (198 минг дона) 1 миллиард 698 миллион сўм;
• назоратчиларнинг тушлиги учун (13 кунга 12,6 минг дона тушлик, 31 минг сўмдан) 1 миллиард 587 миллион сўм сарфланган.