Afsonaviy bokschilar Mayk Tayson va Roy Jons o‘zlarining 28-noyabr kuni bo‘lib o‘tadigan ko‘rgazmali jangida raundlar uch emas, ikki daqiqa davom etishidan norozi bo‘ldi.
Men bundan umuman mamnun emasman. Bu ayollar uchun. Nega biz ikki daqiqali raund o‘tkazamiz? Biz ushbu raundlarni o‘tkazgan tarixdagi eng yaxshi bokschilarmiz. Ikki daqiqa men uchun ham, u uchun hech narsa emas.Roy Jons, bokschi
Ishonchim komilki, tashkilot bunday qarorga kelishiga sabablar bo‘lgan. Lekin bilasizmi, ayollargina ikki daqiqadan urishadi. Biroq komissiya mendan ko‘ra ko‘proq ta’sirga ega. Ammo biz buni amalga oshirishimizdan xursandman.Avvalroq mazkur jangning sakkiz raunddan iborat bo‘lishi va har bir raund ikki daqiqadan davom etishi haqida xabar berilgandi.Mayk Tayson, bokschi
Eslatib o‘tamiz, Tayson va Jons o‘rtasidagi jang 28-noyabr kuni Kaliforniyada (AQSh) bo‘lib o‘tadi. Rasmiy ravishda ularning bellashuvi ko‘rgazmali jang sifatida e‘tirof etiladi.
Ma‘lumot uchun, Roy Jons professional boksda 75 ta jang o‘tkazib, 66 g‘alabaga (47 tasi nokaut) erishgan va to‘qqiz bor mag‘lub bo‘lgan.
Mayk Tayson esa professional boksda 58 ta jang o‘tkazib, ularning 50 tasida g‘alaba qozongan. 44 ta jangda raqiblarini nokautga uchratgan. Oltita jangda mag‘lub bo‘lgan. Ikkita jangi esa hisoblanmagan.
Izoh (0)