Professional boksning og‘ir vazn toifasida vaqtinchalik WBC chempioni Aleksandr Povetkin koronavirusga chalindi.
Shu sababli uning 21-noyabr sanasiga belgilangan Dillian Uaytga qarshi jangi qoldirildi. Bu haqda “Mir Boksa” promouterlik kompaniyasi rahbari Andrey Ryabinskiy ma’lum qildi.
Biz jangni keyinga qoldiramiz. Povetkinda koronavirus aniqlandi, u Moskvadagi klinikalardan birida shifokorlar nazorati ostida. Umid qilamizki, Aleksandr tezda tuzalib ketadi. Ammo haqiqatni gapiradigan bo‘lsak, biz 2021-yilda revansh uchrashuvi bilan qaytamiz. Kasallik yengil o‘tmoqda, qo‘rqinchli joyi yo‘q. Biroq uni simptomlarsiz deb aytmagan bo‘lardim. Unda isitma bor, lekin hech qanday jiddiy asoratlar yo‘q.Eslatib o‘tamiz, Povetkin 23-avgustda Uaytga qarshi jang olib borgan va beshinchi raunddagi texnik nokaut evaziga g‘alaba qozongandi.Andrey Ryabinskiy, “Mir Boksa” kompaniyasi rahbari
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)