“Manchester Siti” “Barselona” hujumchisi Lionel Messiga shartnoma taklif qilishga tayyorlanmoqda, deya xabar beradi The Telegraph.
Manbaning xabariga ko‘ra, “shaharliklar” 2021-yilning yanvar oyida argentinalikka taklif bilan chiqmoqchi.
Ta’kidlash joiz, Messi bu vaqtga kelib, klublar bilan muzokaralarni boshlashi mumkin bo‘ladi, boisi uning “Barselona” bilan kelishuv muddati tugashiga olti oy qoladi.
Ingliz klubi Kataloniya klubi rahbariyatidagi noaniq vaziyatdan foydalanib qolishni maqsad qilgan.
Ma’lumot uchun, Messi 2003-yildan beri “Barselona” sharafini himoya qilib keladi. U “ko‘k-anorranglilar” safida umumiy hisobda 34 ta sovrinni qo‘lga kiritgan. Leo o‘tgan transfer oynasida ham klubni tark etmoqchi bo‘ldi, biroq sobiq rahbariyat uni qo‘yib yuborishdan bosh tortgandi.
Mavzuga doir:
- “Biror nima yoqmayotgan bo‘lsa, eshik anavi tomonda”. Messi va Kike Setyen o‘rtasida janjal yuzaga kelgani ma’lum bo‘ldi
- “Barselona” prezidentligiga nomzod Lionel Messini Argentina klubiga qo‘yib yuborishga tayyorligini ma’lum qildi
- Maradona: Lionel Messi “Barselona” uchun borini berdi, klub esa unga munosib javob qilmadi
- Messi yoki Ronaldu? Frenk Lempard kimni tanlashini aytdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)