Афсонавий боксчилар Майк Тайсон ва Рой Жонс ўзларининг 28 ноябрь куни бўлиб ўтадиган кўргазмали жангида раундлар уч эмас, икки дақиқа давом этишидан норози бўлди.
Мен бундан умуман мамнун эмасман. Бу аёллар учун. Нега биз икки дақиқали раунд ўтказамиз? Биз ушбу раундларни ўтказган тарихдаги энг яхши боксчилармиз. Икки дақиқа мен учун ҳам, у учун ҳеч нарса эмас.Рой Жонс, боксчи
Ишончим комилки, ташкилот бундай қарорга келишига сабаблар бўлган. Лекин биласизми, аёлларгина икки дақиқадан уришади. Бироқ комиссия мендан кўра кўпроқ таъсирга эга. Аммо биз буни амалга оширишимиздан хурсандман.Аввалроқ мазкур жангнинг саккиз раунддан иборат бўлиши ва ҳар бир раунд икки дақиқадан давом этиши ҳақида хабар берилганди.Майк Тайсон, боксчи
Эслатиб ўтамиз, Тайсон ва Жонс ўртасидаги жанг 28 ноябрь куни Калифорнияда (АҚШ) бўлиб ўтади. Расмий равишда уларнинг беллашуви кўргазмали жанг сифатида эътироф этилади.
Маълумот учун, Рой Жонс профессионал боксда 75 та жанг ўтказиб, 66 ғалабага (47 таси нокаут) эришган ва тўққиз бор мағлуб бўлган.
Майк Тайсон эса профессионал боксда 58 та жанг ўтказиб, уларнинг 50 тасида ғалаба қозонган. 44 та жангда рақибларини нокаутга учратган. Олтита жангда мағлуб бўлган. Иккита жанги эса ҳисобланмаган.
Изоҳ (0)