Snapdragon 865 bazasidagi eng arzon flagman — Redmi K30S taqdim etiladi

27-oktabr kuni Redmi brendi K30S flagman telefoni taqdim etilishini rasman tasdiqladi, deb xabar beradi IXBT.

Ma’lumotlarga ko‘ra, yil boshidan buyon Redmi K30 seriyasiga kiruvchi turli narxdagi smartfonlarni taqdim etgan. Redmi K30 Pro Snapdragon 865 protsessorida yaratilgan seriyadagi yagona flagman hisoblanadi. Redmi K30S mazkur protsessor bazasida ishlaydigan eng arzon telefonga aylanishi kerak.

Hozirda ushbu nom Xitoyda 390 dollardan sotilayotgan IQOO Neo3’ga tegishli. Weibo ijtimoiy tarmog‘ida Xiaomining yangi mahsulotlar bo‘yicha direktori Van Teng Tomas Redmi K30S 2500 yuan (375 dollar atrofida) narxida sotuvga chiqishini ma’lum qilgan.

Avvalroq Redmi K30S modeli Xioami Mi 10T versiyasining nomi o‘zgargan shaklida taqdim etilishi haqida mish-mishlar tarqalgandi.

Taxminlarga ko‘ra, Redmi K30S’ga 6,67 dyuymli IPS ekran, bir kristalli Snapdragon 865 tizimi, 8/128 gigabayt xotira, 64 megapikselli kamera, sig‘imi 5000 mA/soatga teng akkumulyator o‘rnatiladi.

Eslatib o‘tamiz, sentabr oyi boshlarida Xiaomi texnik jihatdan flagmanlardan qolishmaydigan Poco X3 NFC hamyonbop smartfonini taqdim etgandi.