Xiaomi компанияси «Покемон» медиаоламининг қаҳрамони — Пикачу услубида яратилган Мi Аir 2S симсиз наушникларининг янги версияси ва Мi Powerbank 3 повербанкини тақдим этди, деб ёзади Gizmochina.
Иккала гаджет ҳам сариқ рангда яратилган бўлиб, олд томонига Пикачунинг тасвири туширилган. Уларнинг оригинал қурилмадан яна бир фарқи — махсус қутига эгалигида. Мi Аir 2S Pikachu Edition ва Мi Powerbank 3 Pikachu Edition техник жиҳатдан стандарт версиядан фарқ қилмайди.
Шунингдек, коллекциядан Xiaomi’нинг рюкзаки ва чамадони ҳам ўрин олган.
Xiaomi Мi Powerbank 3 Pikachu Edition нархи Хитойда 15 долларни ташкил этади. Наушниклар нархи тўғрисида эса ҳозирча маълумот йўқ.
Аввалроқ Покемон оламида жуда ноёб ҳисобланувчи Pikachu Illustrator карточкаси аукцион орқали 250 минг долларга сотилгани тўғрисида хабар берилганди.
Изоҳ (0)