“Roma” klubi va Italiya terma jamoasi sobiq hujumchisi Franchesko Tottida koronavirus aniqlandi, deya xabar qilmoqda Sky Sport Italia.
Ta’kidlanishicha, Totti o‘zida kasallikning bir nechta alomatlarini sezgach test topshirgan. 44 yoshli sobiq futbolchida tana harorati oshgan va xolsizlik kuzatilgan. Tottining koronavirusga topshirgan testi ijobiy xulosa bergan.
Eslatib o‘tamiz, “Roma” sardorining otasi Enso Totti oktabr oyida koronavirus oqibatida vafot etgandi.
Totti “Roma” tarbiyalanuvchisi bo‘lib, 1992—2017-yillar mobaynida klub tizimida faoliyat yuritgan. Totti “bo‘rilar” safida 785 o‘yin o‘tkazib, 307 gol va 139 ta golli uzatma muallifiga aylangan. Shuningdek, Franchesko Italiya terma jamoasi safida 2006-yili Jahon Chempioniga aylangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)