Futbol bo‘yicha Yevro—2020 musobaqasi faqat Rossiya hududida bo‘lib o‘tishi mumkin, deya xabar qilmoqda Le Parisien.
Manbada ta’kidlanishicha, markaziy Yevropada koronavirus bilan bog‘liq vaziyat jiddiy tus olgach, UEFA mazkur variantni ko‘rib chiqmoqda. Tashkilotdagilar hozirgi kabi sharoitda musobaqani bir nechta mamlakatda o‘tkazishning iloji yo‘qligini tushunib turibdi, shu sabab Rossiya varianti jiddiy ko‘rib chiqilmoqda.
UEFA hozircha bu ma’lumotlarni tasdiqlamagan va musobaqa mezbonligi taqdiri vaqtga bog‘liq masala ekanini ma’lum qilgan.
Rossiya 2020-yilning bahorida ham epidemiologik holat beqarorligiga qaramasdan Yevro—2020 musobaqasini o‘zida o‘tkazishga tayyor ekanini ma’lum qilgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)