Futbol bo‘yicha Coca-Cola Superliga 22-turida “Navbahor” 2-noyabr, dushanba kuni “Qizilqum” mehmoni bo‘ldi.
Uchrashuvning 36-daqiqasida Aziz Turg‘unboyev jarima zarbasini qoyilmaqom ijro etgan holda mehmonlarni hisobda oldinga olib chiqdi. 62-daqiqada darvozabonning uzatmasidan keyin Turg‘unboyev dublini nishonladi. Uchrashuvning qolgan vaqtida hisob o‘zgarmadi.
Ushbu g‘alabadan keyin “Navbahor” ochkolarini 30 taga yetkazib olgan holda 7-o‘ringa ko‘tarildi. “Qizilqum” (19) esa 11-pog‘onada bormoqda.
“Qizilqum” keyingi turda “Buxoro” bilan o‘ynaydi, “Navbahor” esa “Surxon”ga qarshi bahs olib boradi.
Uchrashuvda kiritilgan gollarni mana bu yerda ko‘rish mumkin — video
Coca-Cola Superliga
22-tur bahsi
2-noyabr, dushanba
“Qizilqum” — “Navbahor” 0:2
Gollar: 0:1 – 36 Turg‘unboyev, 0:2 – 62 Turg‘unboyev.“Qizilqum”: Ignatiy Nesterov, Suhrob Yarashov, Vladislav Kasminin, Erkin Boydullayev, Oybek Qilichev (Jasur Azimov, 21), Ruslan Margiyev, Alisher Sanoyev, Salim Mustafoyev (Sherzod Qodirov, 29) (Vohid Shodiyev, 46), Ibrohim Tomiva, Oleg Tolmasov, Jamshid Hasanov (Ilhom Kenjayev, 84).
“Navbahor”: O‘tkir Yusupov, G‘iyos Komilov, Javlon Ibrohimov, Ivan Solovyov (Abbos G‘ulomov, 86), Azizbek Turg‘unboyev, Sardar Telyakov, Xurshidbek Muxtorov, Tohirjon Shamsitdinov, Doston Abdulhayev (Mirzohid Mirzamahmudov, 66), Ruslan Bolov (Islom Isoqjonov, 86), Zabihillo O‘rinboyev (Islom Rashidxonov, 79).
Ogohlantirishlar: Hasanov (47), Yarashov (53), Turg‘unboyev (77).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)