Профессионал бокснинг супер ўрта вазн (-76,2 кг) тоифасида рингга чиқаётган Бектемир Мелиқўзиев (6-0, 5 КО) 31 октябрь, шанба куни ўзининг навбатдаги жангини мексикалик Алан Кампага (17-6, 11 КО) қарши ўтказгани ҳақида хабар берилганди.
Жанг Бектемирнинг катта устунлиги билан бошланиб, 2-раундда ўзбекистонлик боксчи рақибини 2 марта нокдаун ҳолатига ҳам тушириб қўйганди. 3-раундда эса Бектемирнинг кучли зарбаларидан сўнг мексикалик боксчи нокаут ҳолатига тушиб қолганди. Шу тариқа Мелиқўзиев профессионал боксдаги 6-ғалабасини нишонлаб, WBO Intercontinental камарига эга чиққан.
Жанг трансляцияси ҳуқуқи эгаси DAZN сервиси Бектемир ва Кампа ўртасидаги жангни жонли эфирда намойиш этиши кутилган, бироқ якунда бундай бўлиб чиқмаганди. Ниҳоят Мелиқўзиев иштирокдаги жангнинг тўлиқ видеоси тақдим этилди. Видеони қуйида томоша қилиш мумкин.
Изоҳ (0)