“Tottenhem” hujumchisi Garet Beyl London klubiga kelganidan keyingi ilk golidan so‘ng o‘z fikrlari bilan o‘rtoqlashdi.
Bu ajoyib tuyg‘u. Qaytganimdan so‘ng jamoa uchun mehnat qilmoqchi edim. Jamoa uchun ishladim va gol urish baxtiga muyassar bo‘ldim. Shubhasiz, bu Serxio Regilonning ajoyib ijrosi bo‘ldi va men ham kerakli vaqtda kerakli joyda paydo bo‘ldim. Hamma doim shaxsiy yutuqlari haqida gapiradi, lekin men doim jamoaviy o‘yinchi ekanligimni va agar zarur bo‘lsa, himoyada harakat qilishdan ham mamnun bo‘lishimni aytganman. Eng muhimi — jamoa. Biz o‘yindan o‘yinga o‘sib boryapmiz. Xato qilsak ham, ulardan saboq olmoqdamiz. So‘nggi paytlarda unchalik ham ko‘p o‘ynamadim. Tizzamda ozgina muammo bor edi. Hozir mashg‘ulotlarda ko‘p ishlayapman va menda imkoniyatim bor.Eslatib o‘tamiz, uchrashuvning 73-daqiqasida Beyl Premyer Ligaga qaytganidan so‘ng birinchi golini urdi. Uelslik futbolchiga himoyachi Serxio Regilon assistentlik qildi. Qayd etish o‘rinli, ularning har ikkalasi ham “Real”dan kelgan.Garet Beyl, futbolchi
Izoh (0)