«Тоттенҳэм» ҳужумчиси Гарет Бэйл Лондон клубига келганидан кейинги илк голидан сўнг ўз фикрлари билан ўртоқлашди.
Бу ажойиб туйғу. Қайтганимдан сўнг жамоа учун меҳнат қилмоқчи эдим. Жамоа учун ишладим ва гол уриш бахтига муяссар бўлдим. Шубҳасиз, бу Серхио Регилоннинг ажойиб ижроси бўлди ва мен ҳам керакли вақтда керакли жойда пайдо бўлдим. Ҳамма доим шахсий ютуқлари ҳақида гапиради, лекин мен доим жамоавий ўйинчи эканлигимни ва агар зарур бўлса, ҳимояда ҳаракат қилишдан ҳам мамнун бўлишимни айтганман. Энг муҳими — жамоа. Биз ўйиндан ўйинга ўсиб боряпмиз. Хато қилсак ҳам, улардан сабоқ олмоқдамиз. Сўнгги пайтларда унчалик ҳам кўп ўйнамадим. Тиззамда озгина муаммо бор эди. Ҳозир машғулотларда кўп ишлаяпман ва менда имкониятим бор.Эслатиб ўтамиз, учрашувнинг 73-дақиқасида Бэйл Премьер Лигага қайтганидан сўнг биринчи голини урди. Уэльслик футболчига ҳимоячи Серхио Регилон ассистентлик қилди. Қайд этиш ўринли, уларнинг ҳар иккаласи ҳам «Реал»дан келган.Гарет Бэйл, футболчи
Изоҳ (0)