Серхио Рамос Ла Лига тарихига кирди

«Реал» Испания чемпионатининг 8-турида «Уэска»ни йирик ҳисобда мағлуб этди (4:1).

Мазкур баҳсда жамоани сардор сифатида майдонга бошлаб чиққан Серхио Рамос ўзининг Ла Лигада 500-ўйинини ўтказди.

Испаниялик футболчи шулардан 461 тасини «Реал» сафида, 39 тасини эса «Севилья» таркибида ўтказган.

Opta хабарига кўра, Рамос Ла Лигада 500 та учрашув ўтказган ўнинчи ўйинчи ва учинчи ҳимоячига айланган. Қайд этиш жоиз, Ла Лигада 500 та ўйин ўтказган футболчилар орасида Рауль, Франциско Буйо, Икер Касильяс ва Хави сингари машҳур номларни ҳам учратиш мумкин.

Рамос Испания чемпионатининг 2020/21 йилги мавсумида 7 ўйин ўтказиб, 2 бор рақиблар дарвозасини ишғол қилди. Унинг «қироллик клуби» билан амалдаги шартномаси келаси йили ўз ниҳоясига етади.