“Spartak” yarim himoyachisi Oston O‘runov Rossiya Premyer Ligasining 13-turidan o‘rin olgan “Rostov”ga qarshi bahsda (0:1) jarohat oldi.
19 yoshli o‘zbekistonlik futbolchi uchrashuvning 80-daqiqasida maydonga tushgandi, biroq oradan 6 daqiqa o‘tgach u oqsoqlanib, maydonni tark etdi.
Eslatib o‘tamiz, O‘runov O‘zbekiston terma jamoasining oktabr oyidagi yig‘iniga jalb etilgan, biroq eski jarohatining qaytalagani sabab yig‘inni erta tark etgandi.
19 yoshli O‘runov RPL 2020/21-yilgi mavsumida oltita o‘yinda maydonga tushib, ikkita sariq kartochka oldi.
“Spartak” 5-avgust kuni “Ufa”dan O‘runovni sotib olganini e’lon qilgandi. 19 yoshli futbolchining transferi poytaxt klubiga 2 million yevroga tushgani va Ostonning yillik maoshi 600 ming yevroni tashkil etishi xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)