Professional boksning yengil vazn toifasida (-53,5 kg) ringga chiqayotgan yaponiyalik yengilmas bokschi Naoya Inoue (20-0, 17 KO) o‘zining navbatdagi jangini 1-noyabr, yakshanba tongida avstraliyalik Jeyson Molouniga qarshi o‘tkazdi.
Jang to‘laligicha Naoyaning ustunligida o‘tdi. Inoue 6-raundda avstraliyalik raqibini nokdaun holatiga tushirib qo‘ydi. 7-raundda esa yapon bokschisining o‘ng qo‘lda bergan kuchli zarbasidan so‘ng Molouni nokaut holatiga tushdi.
Shu tariqa Inoue faoliyatidagi 20-jangdagi 20-g‘alabasini qo‘lga kiritdi. U mazkur janglarning 17 tasida raqiblarini nokautga uchratgan.
Inoue ushbu jang orqali WBA Super hamda IBF chempionlik kamarlarini himoya qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)