San Antonio shahridagi “Alamadom” arenasida (Texas shtati, AQSh) Toshkent vaqti bilan 1-noyabr, yakshanba tongida professional boks musobaqasi bo‘lib o‘tdi.
Unda amerikalik yengilmas bokschi Jervonto Devis (24-0, 23 KO) meksikalik tajribali raqibi Leo Santa Kruzga (37-2-1, 19 KO) qarshi ringga chiqdi. Jervonto raqibini 6-raundda ayanchli nokautga uchratdi va muddatidan avval g‘alabani o‘ziniki qildi.
To‘qnashuvga Devisning yengil vazn toifasidagi (-61,2 kg) WBA Regular chempionlik kamari, shuningdek, Kruzning ikkinchi yarimyengil vazndagi (-58,9 kg) WBA chempionlik kamarlari qo‘yilgandi. Shu tariqa Jervonto Devis bir yo‘la ikki vaznda chempionlik kamarlarini qo‘lga kiritdi.
Mavzuga doir: Yaponiyalik yengilmas bokschi Naoya Inoue avstraliyalik raqibini nokautga uchratdi. Bu uning 20-jangidagi 17-nokauti
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)