Angrenda 25 yoshli yigit yarim tunda havo magistral tormozini tortib, yuk poyezdini to‘xtatgani aniqlandi. Bu haqda IIV Transportda xavfsizlikni ta’minlash bosh boshqarmasi matbuot xizmati xabar berdi.
30-oktabr kuni soat 00:43 da Toshkent mintaqasi temir yo‘l transportida xavfsizlikni ta’minlash boshqarmasiga Angren—Obliq temir yo‘l bekatlari oralig‘i 109-kilometr, 9-to‘siqda Angren—Chuqursoy yo‘nalishidagi yuk poyezdi harakatlanib ketayotgan vaqtida havo magistral tormozi noma’lum shaxs tomonidan tortilishi sababli soat 00:27 da to‘xtaganligi haqida xabar kelib tushgan.
Olib borilgan surishtiruv ishlari natijasida ushbu poyezdning havo magistral kranini yopib, uni to‘xtatgan shaxs 1995-yilda tug‘ilgan, Toshkent viloyati, Angren shahar, Turkiston ko‘chasida yashovchi X.F. ekanligi aniqlangan.
Holat yuzasidan surishtiruv ishlari o‘tkazilib, keltirilgan zarar miqdori aniqlanmoqda.
Izoh (0)