Ангренда 25 ёшли йигит ярим тунда ҳаво магистрал тормозини тортиб, юк поездини тўхтатгани аниқланди. Бу ҳақда ИИВ Транспортда хавфсизликни таъминлаш бош бошқармаси матбуот хизмати хабар берди.
30 октябрь куни соат 00:43 да Тошкент минтақаси темир йўл транспортида хавфсизликни таъминлаш бошқармасига Ангрен—Облиқ темир йўл бекатлари оралиғи 109-километр, 9-тўсиқда Ангрен—Чуқурсой йўналишидаги юк поезди ҳаракатланиб кетаётган вақтида ҳаво магистрал тормози номаълум шахс томонидан тортилиши сабабли соат 00:27 да тўхтаганлиги ҳақида хабар келиб тушган.
Олиб борилган суриштирув ишлари натижасида ушбу поезднинг ҳаво магистрал кранини ёпиб, уни тўхтатган шахс 1995 йилда туғилган, Тошкент вилояти, Ангрен шаҳар, Туркистон кўчасида яшовчи Х.Ф. эканлиги аниқланган.
Ҳолат юзасидан суриштирув ишлари ўтказилиб, келтирилган зарар миқдори аниқланмоқда.
Изоҳ (0)