Futbol bo‘yicha Yevropa Chempionlar Ligasi 2-turidan o‘rin olgan ikkita bellashuv yakuniga yetdi.
Moskvada “Lokomotiv” klubi Myunxenning “Bavariya”sini qabul qilib, 1:2 hisobida yengildi. Avvaliga 13-daqiqada Leon Goretska Benjamin Pavarning to‘p uzatishidan so‘ng hisobni ochgan bo‘lsa, ikkinchi bo‘limning 70-daqiqasida Anton Miranchukning mezbonlarning javob golini urdi. Oradan 9 daqiqa o‘tib Yozua Kimmix uzoq masofadan gol urib, “Bavariya”ning g‘alabasini ta’minladi.
Ushbu g‘alabadan so‘ng “Bavariya” A guruhida 6 ochko to‘plagan holda yakka peshqadam bo‘lib turibdi. “Lokomotiv” hisobida esa 1 ochko mavjud. Guruhning ikkinchi bellashuvi “Atletiko” hamda “Zalsburg” jamoalari o‘rtasida kechadi.
B guruhi vakillari “Shaxtyor” hamda “Inter” Kiyevda o‘zaro kuch sinashdi. Tomonlar 0:0 hisobidagi durangga rozi bo‘ldi. Ushbu natijadan so‘ng “Shaxtyor” 4 ochko bilan guruh peshqadamligini saqlab qoldi. “Inter” hisobida esa 2 ochko mavjud.
Guruhning ikkinchi o‘yini Myunxengladbaxda “Borussiya” hamda Madridning “Real” jamoalari o‘rtasida kechadi.
O‘yinlardagi gollarni bu yerda tomosha qilish mumkin — video.
Chempionlar Ligasi2-tur bellashuvlari27-oktabr, seshanba
A guruhi
“Lokomotiv” – “Bavariya” 1:2
Gollar: 0:1 – 13 Goretska, 1:1 – 70 Miranchuk, 1:2 – 79 Kimmix.“Lokomotiv” – Gilerme, Serkeyra, Jivoglyadov, Ribus, Ignatev (Jemaletdinov, 76), Krixovyak, Miranchuk, Kulikov (Lisakovich, 89), Chorluka (Raykovich, 46), Ze Luish, Smolov (Ribchinskiy, 75).
“Bavariya” – Noyer, Pavar, Zyule, Alaba, Lyuka Ernandes, Goretska (Xavi Martines, 46), Kimmix, Myuller (Gnabri, 46), Tolisso, Koman (Duglas Kosta, 69), Levandovski.Ogohlantirishlar: Jivoglyadov (17), Lyuka Ernandes (48), Serkeyra (50), Jemaletdinov (84).
B guruhi
“Shaxtyor” – “Inter” 0:0
“Shaxtyor” – Trubin, Dodo, Bondar, Xocholava (Matviyenko, 62), Korniyenko, Markos Antonio, Solomon, Tete, Maykon, Dentino (Tayson, 15), Marlos (Alan Patrik, 88).“Inter” – Handanovich, Hakimi, Bastoni, de Vrey, Yang (Pinamonti, 85), Barella, Vidal (Eriksen, 79), Brozovich, D’Ambrozio (Darmian, 80), Martines (Perishich, 72), Lukaku.
Ogohlantirishlar: Bastoni (31), Vidal (64).
Izoh (0)