Futbol bo‘yicha Coca-Cola Superliga 21-turi doirasida 27-oktabr, seshanba kuni Namanganda “Navbahor” jamoasi Toshkentning “Bunyodkor”ini qabul qildi.
Jamoalarning tezkor hujumlari bilan boshlangan uchrashuvning 35-daqiqasiga kelib, Aziz Turg‘unboyev mezbonlarni hisobda oldinga olib chiqdi. Birinchi bo‘lim yakuniga kelib esa Xurshid G‘iyosov 11 metrlik penalti zarbasini golga aylantirib, hisobni tenglashtirdi — 1:1.
Ikkinchi bo‘limni ham namanganliklar faollik bilan boshlab, 56-daqiqada Ruslan Bolovning goli evaziga hisobda oldinga chiqib oldi. Shundan so‘ng darvozalar boshqa ishg‘ol etilmadi va mezbonlar g‘alabani o‘z qo‘lida saqlab qoldi.
Mazkur g‘alabadan keyin “Navbahor” ochkolari sonini 27 taga yetkazib, 8-o‘ringa ko‘tarilgan bo‘lsa, “Bunyodkor” (32 ochko) 5-pog‘onada bormoqda. Qayd etish joiz, namanganliklar 11 ta o‘yindan beri g‘alaba nimaligini bilmay kelayotgandi.
21-turning yana bir bellashuvida “Qizilqum” jamoasi “Andijon” maydonida mehmon bo‘ldi. Har ikkala jamoa vakillarining urinishlariga qaramay, o‘yinda darvozalarga to‘p kiritilmadi — 0:0.
Mazkur durangdan so‘ng “Qizilqum” ochkolari sonini 19 taga yetkazib, 10-o‘rindagi “Mash’al”ga yetib olgan bo‘lsa, “Andijon” 13 ochko bilan 12-o‘rinda bormoqda.
Coca-Cola Superliga
21-tur bahsi
27-oktabr, seshanba
“Navbahor” — “Bunyodkor” 2:1
Gollar: 1:0 – 31 Turg‘unboyev, 1:1 – 45 G‘iyosov, 2:1 – 56 Bolov.“Navbahor”: O‘tkir Yusupov, Ehsoni Panshanbe (G‘iyosjon Komilov, 85), Javlon Ibrohimov, Ivan Solovyov (Zabihillo O‘rinboyev, 85), Azizbek Turg‘unboyev (Abbosjon G‘ulomov, 79), Mirzohid G‘ofurov, Davron Hoshimov, Igor Golban, Islom Rashidxonov (Sardor Telyakov, 46), Xurshidbek Muxtorov, Ruslan Bolov (Shohruh Mahmudhojiyev, 69).
“Bunyodkor”: Sarvar Karimov, Islom Qobilov, Ibrohimhalil Yo‘ldoshev, Xurshid G‘iyosov, Rasul Yo‘ldoshev, Lutfulla To‘rayev, Sanjar Qodirqulov (Suhrob Izzatov, 73), Nurillo To‘xtasinov, Abdulla Abdullayev (Davronjon Ergashev, 60), Muhammadodil Qahramonov (Dilshodbek Ahmadaliyev, 60), Shahboz Erkinov (Farrux Ikromov, 73).
Ogohlantirishlar: G‘ofurov (35), Hoshimov (51), Panshanbe, Solovyov, Ahmadaliyev (64), Ergashev (67), Mahmudxojiyev (77), Ibrohimov (90+4).
“Andijon” — “Qizilqum” 0:0
“Andijon”: Eldor Adhamov, Azamat Isroilov, Farhod Mirahmatov, Xushnud Avilov, Baxtiyor Qosimov, Farhod Bekmuratov, Siroj Meliyev (Asil Azizov, 88), Abdulloh Olimov (Nodir Mavlonov, 73), Usmonali Ismonaliyev, Muhammad Yo‘ldoshev, Shahboz Jumaboyev (Jamshid Hamidov, 73).
“Qizilqum”: Ignatiy Nesterov, Vladislav Kasminin, Erkin Boydullayev, Oybek Qilichev, Ruslan Margiyev, Alisher Sanoyev, Salim Mustafoyev, Sherali Jo‘rayev (Fayzullo Qambarov, 46), Oleg Tolmasov, Jamshid Hasanov (Jasur Azimov, 64), Sherzod Qodirov (Ibrohim Tomiva, 53).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)