Футбол бўйича Европа Чемпионлар Лигаси 2-туридан ўрин олган иккита беллашув якунига етди.
Москвада «Локомотив» клуби Мюнхеннинг «Бавария»сини қабул қилиб, 1:2 ҳисобида енгилди. Аввалига 13-дақиқада Леон Горетцка Бенжамин Паварнинг тўп узатишидан сўнг ҳисобни очган бўлса, иккинчи бўлимнинг 70-дақиқасида Антон Миранчукнинг мезбонларнинг жавоб голини урди. Орадан 9 дақиқа ўтиб Йозуа Киммих узоқ масофадан гол уриб, «Бавария»нинг ғалабасини таъминлади.
Ушбу ғалабадан сўнг «Бавария» А гуруҳида 6 очко тўплаган ҳолда якка пешқадам бўлиб турибди. «Локомотив» ҳисобида эса 1 очко мавжуд. Гуруҳнинг иккинчи беллашуви «Атлетико» ҳамда «Зальцбург» жамоалари ўртасида кечади.
B гуруҳи вакиллари «Шахтёр» ҳамда «Интер» Киевда ўзаро куч синашди. Томонлар 0:0 ҳисобидаги дурангга рози бўлди. Ушбу натижадан сўнг «Шахтёр» 4 очко билан гуруҳ пешқадамлигини сақлаб қолди. «Интер» ҳисобида эса 2 очко мавжуд.
Гуруҳнинг иккинчи ўйини Мюнхенгладбахда «Боруссия» ҳамда Мадриднинг «Реал» жамоалари ўртасида кечади.
Ўйинлардаги голларни бу ерда томоша қилиш мумкин — видео.
Чемпионлар Лигаси2-тур беллашувлари27 октябрь, сешанба
А гуруҳи
«Локомотив» – «Бавария» 1:2
Голлар: 0:1 – 13 Горетцка, 1:1 – 70 Миранчук, 1:2 – 79 Киммих.«Локомотив» – Гилерме, Серкейра, Живоглядов, Рибус, Игнатев (Жемалетдинов, 76), Криховяк, Миранчук, Куликов (Лисакович, 89), Чорлука (Райкович, 46), Зе Луиш, Смолов (Рибчинский, 75).
«Бавария» – Нойер, Павар, Зюле, Алаба, Люка Эрнандес, Горетцка (Хави Мартинес, 46), Киммих, Мюллер (Гнабри, 46), Толиссо, Коман (Дуглас Коста, 69), Левандовски.Огоҳлантиришлар: Живоглядов (17), Люка Эрнандес (48), Серкейра (50), Жемалетдинов (84).
B гуруҳи
«Шахтёр» – «Интер» 0:0
«Шахтёр» – Трубин, Додо, Бондар, Хочолава (Матвиенко, 62), Корниенко, Маркос Антонио, Соломон, Тете, Майкон, Дентино (Тайсон, 15), Марлос (Алан Патрик, 88).«Интер» – Ҳанданович, Ҳакими, Бастони, де Врей, Янг (Пинамонти, 85), Барелла, Видаль (Эриксен, 79), Брозович, ДъАмброзио (Дармиан, 80), Мартинес (Перишич, 72), Лукаку.
Огоҳлантиришлар: Бастони (31), Видаль (64).
Изоҳ (0)