Microsoft asoschisi Bill Geyts barcha sinov bosqichidan o‘tgan koronavirusga qarshi vaksina AQShda kelasi yil boshlarida paydo bo‘lishini aytdi. “RBK”ning xabar berishicha, bunday prognozni u All Markets Summit internet-konferensiyasida Yahoo Finance bosh muharririga ma’lum qildi.
“Agar omad kulib boqsa, bizda hozir uchinchi bosqich sinovida bo‘lgan olti preparatdan ikki yoki uchtasi bo‘ladi. Pfizer’da birinchi bo‘lish imkoniyati bor. U vaksinalar ishlab chiqarish bo‘yicha juda tajribali kompaniya va u o‘z tadqiqotini juda puxta rejalashtirgan”, — degan Geyts.
Milliarder, shuningdek, AstraZeneca, Johnson & Johnson, Novavax, Moderna va Sanofi ayni paytda uchinchi bosqich sinovlarda bo‘lgan o‘z vaksinalarini yil boshidayoq chiqarishiga umid bildirgan.
Shu bilan birga, Geyts dastlabki vaksinalar ideal bo‘lmasligi ham mumkinligini tan olgan. “Birinchi oltitadan ikkitasi yoki uchtasi ma’qullangan taqdirda ham, kasallikning va virus yuqtirishning olish borasida ularning samaradorligi ideal bo‘lmasligi mumkin”, — degan u.
“Lekin katta ehtimol bilan COVID-19’ga qarshi vaksinalar keyingi yilning keyingi uchrashuvida bugunga qaraganda yaxshiroq sharoitda bo‘lishimiz uchun yetari bo‘ladi”, — deb ta’kidlagan va “biz bari bir odatdagi hayotga qaytmaymiz”, deb qo‘shimcha qilgan.
Bill Geyts pandemiya tugashi borasida bir necha marta o‘z prognozlarini bildirgan. Uning so‘nggi prognozlariga ko‘ra, koronavirus pandemiyasi bilan bog‘liq vaziyat 2020-yilning yozidagidan ko‘ra yomonlashishi mumkin. “Kasallanganlar soni ortmoqda, sovuq kelishi bilan odamlar ko‘proq bino ichida bo‘ladi, bu esa virusning yuqish imkoniyatini oshiradi”, — degan milliarder.Mavzuga doir: “Bunga raddiya berishning o‘zi ahmoqona”. Bill Geyts koronavirus vaksinasi orqali insoniyat chiplashtirilayotgani haqida
“Epidemiya, taxminan, 2022-yilga borib yakunlanadi. Ammo virus tarqalishiga qarshi kurash choralariga global darajada yondashadigan bo‘lsak, 2021-yil davomida biz uning tarqalish ko‘rsatkichini kamaytirishimiz mumkin. Xudoga shukr, vaksina texnologiyasi hozirda bor, moliyalashtirish ham yetib keldi, kompaniyalar eng yaxshi mutaxassislarni bunga jalb etgan. Shu sababli optimistik jihatdan bu abadiy davom etmaydi degan umiddaman”, — degan Geyts.
Bill Geyts fondi tomonidan koronavirusga qarshi kurash yo‘lida xayriya qilingan 650 million dollar bu kabi tashkilotlar tomonidan amalga oshirilgan rekord summa hisoblanadi. Shu yilning yanvar oyida Bill Geyts Xitoyga koronavirus bilan kurashish uchun 5 million dollar ajratgandi.
Izoh (0)