АҚШнинг Жоржия штати, Гуиннетт округи полиция ходими нафас олишдан тўхтаган бола ҳаётини сақлаб қолди. Ходимнинг кийимига ўрнатилган камерага муҳрланган видео WCAX-TV телестанциясининг сайтида эълон қилинган.
Маълум қилинишича, Закия Уильямс уйга қайтаётганида йўл четига бориб тўхтатган машинани пайқаган. Машина ойналари туширилиб, сигнал чалинган, ичкаридан бақирган овоз эшитилган.
Эр-хотин қизи нафас олмаётгани сабаб бақираётган бўлган. Ёрдамга шошилган Уильямс уч ҳафталик болани қўлга олиб, ўпка-юрак реанимациясини амалга оширган. Ходимининг тезкор ҳаракати билан чақалоқ нафас олишни бошлаган.
Ота-она болани шифохонага олиб борган ва унинг аҳволи яхшиланган.
Етти йил давомида ҳуқуқни муҳофаза қилиш ташкилотида фаолият олиб борган Уильямс воқеа юз беришидан икки ҳафта аввал полициянинг мактаб инспектори лавозимига тайёрланган. «Асосийси — жамиятга хизмат қилиш. Мен ўз бурчимни бажардим деб ҳисоблайман», — деган ходим.
Мавзуга доир:
- Америкалик собиқ жиноятчи уни ҳибсга олган полиция ходимининг ҳаётини сақлаб қолди (видео)
- Америкада тез ёрдам ходимлари ўлик деб топган қиз дафн қилинишидан аввал кўзини очди
- Португалия президенти чўкаётган икки қизни қутқариб қолди
- Францияда 841 марта полицияга қўнғироқ қилиб, ходимларни ҳақорат қилган йигит ҳибсга олинди
Изоҳ (0)