Koronavirus pandemiyasi ko‘pchilikning tashqi ko‘rinishiga, ayniqsa, vazniga qo‘shimcha kilogrammlar qo‘shdi. Shuningdek, karantin Avstraliyaning Kvinslend shahrida yashovchi labrador itiga ham o‘z ta’sirini o‘tkazdi. Bu haqda itning egasi Facebook sahifasida ma’lum qildi.
Uning egasi Sharmeynning aytishicha, do‘mboq it o‘zi uchun mo‘ljallangan maxsus eshikdan o‘tayotib unga tiqilib qolgan. O‘zini ozod qilmoqchi bo‘lgan it keyinchalik birato‘la butun eshikni qo‘porib olgan. Facebook sahifasiga joylashtirilgan labradorning suratlari tez orada uni mashhur qilib yubordi. Endi esa Sharmeyn it uchun parhezni amalga oshirmoqchi.
Shuningdek, avstraliyalikning aytishicha, labradorni ozg‘in va nimjon holda supermarketdan topib olgan va uyiga olib kelgan. “Endi esa uni juda yaxshi ko‘ramiz, ba’zida unga bo‘lgan muhabbatimiz me’yoridan ortib ketadi”, − deydi Sharmeyn.
Mavzuga doir:
Izoh (0)