Massachusets shtatining Uerxem shahri aholisi Broud Kouv ko‘rfazida akulaga o‘xshash ulkan baliqqa yordam kerakligini aytib, mahalliy politsiya mahkamasiga telefon qo‘ng‘iroqlarini yog‘dirmoqda, deb xabar beradi New York Post.
Hodisa joyiga yetib borgan shahar Tabiiy resurslar departamenti mutaxassislari bu oybaliq ekanligini va unga hech narsa qilmaganini aniqlagan.
Biroq politsiyaga bo‘layotgan qo‘ng‘iroqlar tinmagan va huquq-tartibot organi xodimlari aholidan bu borada boshqa telefon qilmasliklarini iltimos qila boshlagan.
“Broud Kouvdagi baliqdan xabarimiz bor. Biz uni tekshirdik, unga hech narsa qilmagan. U shunchaki suzib yuribdi. U azob chekmayapti va hech qayerga tiqilib qolgani yo‘q. Oybaliq ajoyib. Hozirda ob-havo cho‘milishga imkon bermayotgani uchun unga hasad qilmanglar. Politsiyaga qo‘ng‘iroq qilishni to‘xtating”, — deyiladi departament xodimlari bayonotida.
Avvalroq Meksikaning Oaxaka shtati Puerto-Eskondido shahrida yashovchi yosh baliqchi ulkan baliq tutib olgani to‘g‘risida xabar berilgandi.
Izoh (0)