Sirdaryo viloyati Mirzaobod tumanida Captiva Howo sement tashuvchi yuk mashinasiga urildi, deya xabar bermoqda viloyati IIB YHXBB.
Ma’lum qilinishicha, 17-oktabr kuni soat 21:45 da Mirzaobod tumani “Mirzo Ulug‘bek” MFY hududidan o‘tuvchi M-34 avtomobil yo‘lining 122-kilometrida Guliston–Yangiyer yo‘nalishida Boyovut tumani, “Anorzor” MFYda yashovchi 27 yoshli A.T. Captiva avtomashinasini boshqarib ketayotgan bo‘lgan.
Captiva ushbu yo‘nalishda harakatlanib, Guliston–Yangiyer yo‘nalishiga belgilangan tartibda to‘liq qayrilib olgan fuqaro Bekobod shahrida yashovchi 28 yoshli M.E. boshqaruvida bo‘lgan Shirin shahar “Shahzod Avazbek Servis” MChJga tegishli Howo “sementovozi”ning orqa qismiga urilib, YTH sodir etgan.
Natijada Captiva haydovchisi 27 yoshli A.S. va 24 yoshli yo‘lovchisi Sh.X. bosh miya yopiq jarohati, bosh miya lat yeyishi, qo‘shma jarohat tashxisi bilan Respublika shoshilinch tez tibbiy yordam ko‘rsatish ilmiy markazi Sirdaryo viloyati filialining jonlantirish bo‘limiga yotqizilgan.
Holat yuzasidan Mirzaobod tumani IIB huzuridagi Tergov bo‘linmasi tomonidan surishtiruv harakatlari olib borilmoqda.
Izoh (0)