Самарқанд вилояти Жомбой туманида юк машинасининг орқа қисмига Lacetti урилиши оқибатида 2 киши ҳалок бўлди, дея хабар бермоқда ЙҲХББ.
Қайд этилишича, 2020 йил 19 октябрь куни соат 06:30 ларда Самарқанд вилояти Жомбой тумани ҳудудидан ўтувчи М-39 Олмаота–Тошкент–Термиз автомобиль йўлининг 1074-километрида, 1982 йилда туғилган Б.Н. исмли Lacetti русумли транспорт воситаси ҳайдовчиси эътиборсизлик натижасида, йўлнинг бурилиб олиш қисмида ўзидан олдинда бурилиб олаётган ГАЗ-5327 русумли транспорт воситасининг орқа қисмига урилиб йўл-транспорт ҳодисаси содир этган.
Натижада Lacetti автомашинаси ҳайдовчиси Б.Н ва 1987 йилда туғилган йўловчиси Б.Й. оғир даражадаги тан жароҳатлари олиб ҳодиса жойида вафот этган.
Шунингдек, Lacetti автомашинаси йўловчилари 1975 йилда туғилган Т.Ҳ. 1989 йилда туғилган Т.Д. ҳамда 1983 йилда туғилган Т.Б. турли тан жароҳатлари билан Жомбой тумани тиббиёт бирлашмасига ётқизилган.
Ҳозирда мазкур ҳолат юзасидан тергов ҳаракатлари олиб борилмоқда.
Аввалроқ Навоийда вояга етмаган қизга машинасини бошқаришга берган ҳайдовчи, Жиззахда икки Nexia иштирокида содир бўлган ЙТҲ оқибатида ҳайдовчилар, Навоийда содир бўлган ЙТҲда пиёда билан бирга ҳайдовчи ва Бойсунда Lacetti ва Cobalt тўқнашиши оқибатида икки киши вафот этгани хабар қилинганди.
Изоҳ (0)