Toshkentdagi Farg‘ona yo‘li ko‘chasining bir qismi vaqtincha yopildi

Toshkent shahar hokimligining matbuot xizmati Farg‘ona yo‘li ko‘chasida olib borilayotgan yo‘l ta’mirlash ishlarini tezlashtirish maqsadida 20-oktabr soat 00:00 dan 8-noyabrga qadar Farg‘ona yo‘li ko‘chasidan Uysozlar ko‘chasiga (“Panelniy” mavzesi) o‘tish va qaytish (yo‘lning har ikki qatnov qismi) yopiq bo‘lishini ma’lum qildi.

Hokimlik vujudga kelishi mumkin bo‘lgan tirbandliklarning oldini olish uchun haydovchilarga aylanma yo‘llardan foydalanishni tavsiya qilgan.

Sentabr oyida Farg‘ona yo‘li ko‘chasiga o‘tish yo‘llarida ta’mirlash ishlari olib borilayotgani sabab avtomobil harakati cheklanishi 23-sentabr soat 23:00 dan 10-oktabrga qadar Farg‘ona yo‘li ko‘chasiga Istiqbol, Nukus va KXAY ko‘chalaridan o‘tish yo‘llari yopiq bo‘lishi xabar qilingandi.