Kaliforniyada Tesla Model 3 egasi bo‘lgan shifokor Ali Vaziri o‘zi bilmagan holda avtomobili uchun bir necha ming dollarlik apgreyd buyurtma qilib yubordi. U buyurtmani telefoni ustiga o‘tirib olib, tasodifan amalga oshirgan, deb xabar beradi Hi-Tech.Mail.ru.
Vaziri sentabr oxirida Tesla ilovasi orqali 4200 dollarlik apgreyd buyurtma qilgan. Shifokorning taxminicha, bu shimining hamyonidagi smartfonga o‘tirib olganida sodir bo‘lgan.
“Telefonim jinsimda edi. Men uni chiqarib, mashinada quvvatlantirishga qo‘ydim. Bir necha daqiqadan so‘ng SMS keldi. Bunga qadar Tesla ilovasi orqali hech narsa xarid qilmaganman”, — deydi Vaziri.
Inson o‘z shimining hamyonidagi smartfon orqali SMS yuborishi, telefon qilishi yoki shunga o‘xshash boshqa holatlarni amalga oshirishi butt-dial yoki pocket dial (“hamyon orqali qong‘iroq”) nomini olgan. Pocket dial iborasi 2015-yilda Oksford lug‘atiga ham kiritilgan.
Erkak to‘rt ming dollardan ortiq pulni haydovchiga yordam beruvchi funksiyalar uchun to‘lab yuborgan. Uning ichida yo‘nalishni avtomatik almashtirish va avtomatik ravishda turargohga joylashish kabi xizmatlar bor.
Vaziri zudlik bilan Tesla’ga qo‘ng‘iroq qilib, ularning maslahatiga ko‘ra ilova orqali buyurtmalarni ortga qaytarish tugmasini bosmoqchi bo‘lgan, biroq ilovada bu kabi tugma bo‘lmagan. Shundan so‘ng unga buyurtmani qaytarish bo‘yicha e-Mail’iga xabar kelgan, ammo unda ham pulning qaytarilishi bo‘yicha biror tugma yoki havola bo‘lmagan.
Shundan buyon kompaniyaning texnik xizmat ko‘rsatish bo‘limi Vaziriga o‘z pullarini qaytarib olish bo‘yicha biror jo‘yali ma’lumot bera olmagan. Endilikda u pullarni o‘z banki orqali qaytarib olish niyatida.
Eslatib o‘tamiz, iyun o‘rtalarida germaniyalik erkak tasodifan 27 ta Tesla Model 3 elektromobiliga buyurtma berib yuborgan edi.
Izoh (0)