O‘zbekiston terma jamoasi 8-oktabr, payshanba kuni Eron terma jamoasiga qarshi o‘rtoqlik o‘yinida ishtirok etdi.
Uchrashuvning birinchi bo‘limi mehmonlarning kichik ustunligida o‘tdi. Tanaffusga qadar har ikki jamoa vakillari bir nechtadan qulay vaziyatlarga ega bo‘ldi. Bo‘lim yakunlanishi arafasida Sardor Azmun jarima maydoni tashqarisidan aniq zarba yo‘llagan holda hisobni ochdi.
Ikkinchi bo‘lim debyutida forslar penalti ishlab olishga erishdi. 11 metrlik jarima zarbasini Mehdi Taremi aniq amalga oshirdi.
Biroq bunga maydon egalari tezda qaytardi: Eldor Shomurodov Sanjar Qodirqulovning uzatmasidan keyin hisobni qisqartirdi. O‘yinning qolgan qismida hisob o‘zgarmadi.
Vadim Abramov shogirdlari keyingi o‘yinni 12-oktabr kuni Dubay shahrida BAA terma jamoasiga qarshi o‘tkazadi.
O‘rtoqlik uchrashuvi
8-oktabr, payshanba
O‘zbekiston — Eron 1:2
Gollar: 0:1 – 43 Azmun, 0:2 – 51, penalti Taremi, 1:2 – 53 Shomurodov.O‘zbekiston: Eldor Suyunov, Islom Qobilov, Hojiakbar Alijonov (Murod Xolmuhammedov, 46), Farruh Sayfiyev, Rustam Ashurmatov (Igor Golban, 57), Sanjar Qodirqulov, Lutfulla To‘rayev (Ikrom Aliboyev, 57), Abror Ismoilov (Otabek Shukurov, 57), Jaloliddin Masharipov, Eldor Shomurodov (Igor Sergeyev, 77), Jasur Yaxshiboyev (Hojimat Erkinov, 46).
Eron: Payam Niazmand, Sodiq Muharrami, Ehson Hojsafi (Omid Nurafkan, 64), Shojaye Halilzoda, Milod Mohammadi, Ahmad Nurullohi, Mehdi Taremi, Vohid Amiri (Ali Karimi, 64), Hussain Kanaanizodegan, Ali G‘olizoda (Saman G‘oddos, 75), Sardor Azmun (Mehdi Gayedi, 75).
Ogohlantirish: Qobilov (77).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)