Chexiyaning “Bogemians” klubi prezidenti Antonin Panenkada koronavirus aniqlandi. Bu haqda klub matbuot xizmati xabar bermoqda.
Qayd etilishicha, hozirda uning ahvoli og‘ir va jonlantirish bo‘limida saqlanmoqda.
Ma’lumot uchun, 71 yoshli Panenka 1976-yilgi Yevropa chempionatining final uchrashuvidan keyingi penaltilar seriyasidagi mashhur zarbasi orqali mashhurlikka erishgan. O‘shanda u to‘pni “parashyut” usulida darvoza markaziga joylab qo‘yib, jamoasiga qit’a chempionatining oltin medallarini qo‘lga kiritishda yordam bergandi.
Shundan beri 11-metrlik zarbalarni shu tarzda ijro etish “panenka” uslubi deb ataladi. Klubdagi faoliyatida esa Antonin “Bogemians”, “Rapid”, “Sankt-Pyolten”, “Slovan”, “Xoenau” kabi jamoalarda to‘p surgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)