Edinson Kavani: Neymar bilan janjallashganmiz, to‘qnashuv kiyinish xonasida ham davom etgan

“Manchester Yunayted”ning yangi hujumchisi Edinson Kavani PSJdagi sobiq jamoadoshi Neymar bilan munosabatlari haqida gapirdi.

U yaxshi yigit. Faqatgina biz bir safar janjallashib qolganmiz, buni hamma biladi. Bu “Lion”ga qarshi o‘yinda sodir bo‘lgandi. Biz janjallashdik, kiyinish xonasida to‘qnashuv ham bo‘ldi. Ammo bu haqida aytilganlarining hammasi ham to‘g‘ri emas.

Ha, biz u bilan turlichamiz. Ammo men har doim jamoada do‘st bo‘lish shart emasligini ta’kidlab kelganman. Nazarimda, maydonda do‘st bo‘lish, bir-biriga qoya bo‘lish kerak. Kiyinish xonasida do‘st bo‘lish yoki hamma bilan kechki ovqatga borishga hojat yo‘q. Ha, biz umuman bir-birimizga o‘xshamaymiz, biz ko‘p narsalarni baham ko‘rmadik, fikrlashimiz ham turlicha, lekin bu bizni yaxshi munosabatda bo‘lishimizga to‘sqinlik qilmaydi.

Edinson Kavani, futbolchi