“Renn” va Fransiya terma jamoasi yarim himoyachisi Eduardo Kamavinga Ukrainaga qarshi kechgan o‘rtoqlik uchrashuvida o‘z nomiga gol yozdirib qo‘ydi.
Shu tariqa Eduardo 17 yosh-u 11 oyligida Fransiya terma jamoasi safida gol urgan ikkinchi eng yosh futbolchiga aylandi. Terma jamoa tarixidagi eng yosh gol muallifi Moris Gastiger sanaladi. U 1914-yilda 17 yosh-u 5 oylik vaqtida Shveysariya darvozasini ishg‘ol etgandi.
Fransiya terma jamoasi mazkur o‘rtoqlik o‘yinida Ukraina terma jamoasini yirik hisobda taslim etdi. “Uchranglilar” umumiy hisobda 7 bor raqiblar darvozasini ishg‘ol etgan bo‘lsa, ukrainlar bunga bitta to‘p bilan javob qaytardi — 7:1.
Kamavinga Fransiya chempionatining 2020/21-yilgi mavsumida olti uchrashuvda maydonga tushib, bittadan gol va golli uzatmaga mualliflik qildi.
Izoh (0)