6-oktabr kuni kechasi Bishkekda saylovlar natijasidan norozi bo‘lgan namoyishchilar prezident ma’muriyati joylashgan Qirg‘iziston parlamenti binosini, hukumat, poytaxt meriyasi va Bosh prokuratura binolarini egallab oldi. Qirg‘iziston hukumati davlat to‘ntarishiga urinish yuz bergani haqida ma’lum qildi. Bir kishi halok bo‘lgani, qariyb 700 kishi jabrlangani haqida xabar berilmoqda. Bishkekdan lavhalarni “Kommersant” o‘z fotogalereyasida e’lon qildi.
4-oktabr kuni Qirg‘izistonda parlament saylovlari bo‘lib o‘tdi, unda 16 ta partiya ishtirok etdi.Foto: AP
Dastlabki ma’lumotlarga ko‘ra, 7 foizlik marradan faqat to‘rtta partiya o‘ta olgan: “Birimdik” (24%), “Mekenim Kirgizistan” (23%), “Qirg‘iziston” (9%), “Butun Qirg‘iziston” (7%). Ulardan faqat “Qirg‘iziston” o‘tgan chaqiriqda bor edi.Foto: “TASS”
5-oktabr kuni respublika poytaxti Bishkekda parlament saylovlarida mag‘lub bo‘lgan partiyalar tarafdorlari namoyishga chiqdi, u keyinroq ommaviy tartibsizliklarga aylanib ketdi.Foto: AFP
Namoyishchilar saylovlar natijalarini bekor qilib, qayta ovoz berishni o‘tkazishni talab qildi.Foto: AFP
Bishkekdagi Ala-Too markaziy maydoniga qariyb 6 ming kishi to‘plandi.Foto: AP
6-oktabrga o‘tar kechasi Bishkekdagi namoyishchilar Qirg‘iziston parlamenti va prezidenti ma’muriyati joylashgan Oq uy binosiga bostirib kirdi.Foto: AP
Aksiya ishtirokchilari parlament binosiga bostirib kirish chog‘ida militsiya xodimlariga yonuvchi aralashma solingan shisha idishlar va toshlar yog‘dirdi.Foto: “RIA Novosti”
Maxsus topshiriqli bo‘linmalar va IIV bo‘linmalari yorug‘lik va shovqin tarqatuvchi granatalar, ko‘zni yoshlantiruvchi gaz, rezina o‘qlar va suv zambaraklarini qo‘lladi.Foto: AFP
Egallab olinganidan keyin Qirg‘iziston parlamenti binosida yong‘in yuz berdi, u tez orada o‘chirildi.Foto: AP
Saylov yakunlaridan norozilar, shuningdek, poytaxt meriyasi va Bosh prokuratura binolarini ham egallab oldi.Foto: AFP
Respublika SSV ma’lumotlariga ko‘ra, tungi tartibsizliklar oqibatida bir kishi halok bo‘lgan, qariyb 700 kishi jabrlangan.Foto: “TASS”
Namoyishchilar talabi bilan tergov izolyatoridan Qirg‘iziston sobiq prezidenti Almazbek Atambayev ozod qilindi, koloniyadan sobiq bosh vazir Sapar Isakov chiqarib yuborildi. Foto: Anadolu Agency
Avvalroq — iyunda Qirg‘izistonni 2011—2017-yillarda boshqargan Almazbek Atambayev 2013-yilda jinoiy avtoritet Aziz Batukayevni noqonuniy ozod etgani uchun 11 yil-u 2 oy qat’iy rejimdagi koloniyaga mahkum etilgan edi. Suratda: namoyishchilar o‘zlari egallab olgan parlament binosida.Foto: “TASS”
Muholifat Qirg‘iziston prezidenti So‘ronbay Jeenbekovni lavozimidan chetlatish niyatini ma’lum qildi.Foto: “TASS”
6-oktabr kuni ertalab Qirg‘iziston prezidenti So‘ronbay Jeenbekov respublikada “ba’zi siyosiy kuchlar” tomonidan hukumatni egallab olishga urinish sodir bo‘lganini ma’lum qildi, shu bilan birga, kuch vakillari, uning buyrug‘i bilan, fuqarolar hayotini xavf ostiga qo‘ymaslik uchun o‘t ochmaganligini ta’kidladi.Foto: Reuters
Qirg‘izistonda namoyishchilar muvaqqat bosh vazirni tayinlamoqchi.Foto: Reuters
Foto: Reuters
Bishkekda xalq drujinalari tashkil qilinmoqda. Yuzlab drujinniklar namoyishchilar tomonidan egallangan Bishkek meriyasi binosida bo‘lib turibdi.Foto: AP
Izoh (0)