6 октябрь куни кечаси Бишкекда сайловлар натижасидан норози бўлган намойишчилар президент маъмурияти жойлашган Қирғизистон парламенти биносини, ҳукумат, пойтахт мэрияси ва Бош прокуратура биноларини эгаллаб олди. Қирғизистон ҳукумати давлат тўнтаришига уриниш юз бергани ҳақида маълум қилди. Бир киши ҳалок бўлгани, қарийб 700 киши жабрлангани ҳақида хабар берилмоқда. Бишкекдан лавҳаларни «Коммерсантъ» ўз фотогалереясида эълон қилди.
4 октябрь куни Қирғизистонда парламент сайловлари бўлиб ўтди, унда 16 та партия иштирок этди.Фото: АP
Дастлабки маълумотларга кўра, 7 фоизлик маррадан фақат тўртта партия ўта олган: «Биримдик» (24%), «Мекеним Киргизистан» (23%), «Қирғизистон» (9%), «Бутун Қирғизистон» (7%). Улардан фақат «Қирғизистон» ўтган чақириқда бор эди.Фото: «ТАСС»
5 октябрь куни республика пойтахти Бишкекда парламент сайловларида мағлуб бўлган партиялар тарафдорлари намойишга чиқди, у кейинроқ оммавий тартибсизликларга айланиб кетди.Фото: AFP
Намойишчилар сайловлар натижаларини бекор қилиб, қайта овоз беришни ўтказишни талаб қилди.Фото: AFP
Бишкекдаги Ала-Тоо марказий майдонига қарийб 6 минг киши тўпланди.Фото: АP
6 октябрга ўтар кечаси Бишкекдаги намойишчилар Қирғизистон парламенти ва президенти маъмурияти жойлашган Оқ уй биносига бостириб кирди.Фото: АP
Акция иштирокчилари парламент биносига бостириб кириш чоғида милиция ходимларига ёнувчи аралашма солинган шиша идишлар ва тошлар ёғдирди.Фото: «РИА Новости»
Махсус топшириқли бўлинмалар ва ИИВ бўлинмалари ёруғлик ва шовқин тарқатувчи гранаталар, кўзни ёшлантирувчи газ, резина ўқлар ва сув замбаракларини қўллади.Фото: AFP
Эгаллаб олинганидан кейин Қирғизистон парламенти биносида ёнғин юз берди, у тез орада ўчирилди.Фото: АP
Сайлов якунларидан норозилар, шунингдек, пойтахт мэрияси ва Бош прокуратура биноларини ҳам эгаллаб олди.Фото: AFP
Республика ССВ маълумотларига кўра, тунги тартибсизликлар оқибатида бир киши ҳалок бўлган, қарийб 700 киши жабрланган.Фото: «ТАСС»
Намойишчилар талаби билан тергов изоляторидан Қирғизистон собиқ президенти Алмазбек Атамбаев озод қилинди, колониядан собиқ бош вазир Сапар Исаков чиқариб юборилди. Фото: Anadolu Agency
Аввалроқ — июнда Қирғизистонни 2011—2017 йилларда бошқарган Алмазбек Атамбаев 2013 йилда жиноий авторитет Азиз Батукаевни ноқонуний озод этгани учун 11 йил-у 2 ой қатъий режимдаги колонияга маҳкум этилган эди. Суратда: намойишчилар ўзлари эгаллаб олган парламент биносида.Фото: «ТАСС»
Муҳолифат Қирғизистон президенти Сўронбай Жээнбековни лавозимидан четлатиш ниятини маълум қилди.Фото: «ТАСС»
6 октябрь куни эрталаб Қирғизистон президенти Сўронбай Жээнбеков республикада «баъзи сиёсий кучлар» томонидан ҳукуматни эгаллаб олишга уриниш содир бўлганини маълум қилди, шу билан бирга, куч вакиллари, унинг буйруғи билан, фуқаролар ҳаётини хавф остига қўймаслик учун ўт очмаганлигини таъкидлади.Фото: Reuters
Қирғизистонда намойишчилар муваққат бош вазирни тайинламоқчи.Фото: Reuters
Фото: Reuters
Бишкекда халқ дружиналари ташкил қилинмоқда. Юзлаб дружинниклар намойишчилар томонидан эгалланган Бишкек мэрияси биносида бўлиб турибди.Фото: АP
Изоҳ (0)