Tojikiston poytaxti Dushanbe shahri meri Rustam Emomali Isroildagi shifoxonada davolangani haqidagi xabarlar haqiqatga to‘g‘ri kelmaydi. Bu haqda Herzliya tibbiyot markazi rahbari Dani Engel ma’lum qildi, deya xabar beradi Asia-Plus.
Tojikiston Tashqi ishlar vazirligining xabar berishicha, ba’zi ommaviy axborot vositalarida Rustam Emomali 2019-yilda Isroildagi Herzliya tibbiyot markazida davolanganligi to‘g‘risidagi ma’lumotlarning tarqalishi munosabati bilan, O‘zbekistondagi Tojikiston elchixonasi Isroilning Toshkentdagi elchixonasi bilan bog‘langan.
Isroil diplomatlari hozirgi vaqtda Isroil Sog‘liqni saqlash vazirligining Isroil politsiyasi va Twitter ma’muriyatiga taqdim qilgan rasmiy iltimosiga binoan ushbu yolg‘on ma’lumot manbasi aniqlanayotgani to‘g‘risida tojik tomoniga xabar bergan.
Bundan tashqari, Isroil Sog‘liqni saqlash vazirligi mamlakatda Dushanbe meriga nisbatan davolanishga oid ma’lumotlar haqiqatga mos kelmasligini aniqladi.
Herzliya tibbiy markazining bosh direktori Dani Engel Isroil Sog‘liqni saqlash vazirligiga Twitter’dagi ma’lumotlar bilan hech qanday aloqasi yo‘qligini va shunga o‘xshash narsa yozmaganligini aytdi.
Shu munosabat bilan, Tojikiston Tashqi ishlar vazirligi mahalliy va xorijiy ommaviy axborot vositalaridan bunday materiallarni nashr etishdan oldin ularning ishonchliligini tekshirishni so‘ragan.
Mavzuga doir:
Izoh (0)