Тожикистон пойтахти Душанбе шаҳри мэри Рустам Эмомали Исроилдаги шифохонада даволангани ҳақидаги хабарлар ҳақиқатга тўғри келмайди. Бу ҳақда Herzliya тиббиёт маркази раҳбари Дани Энгел маълум қилди, дея хабар беради Asia-Plus.
Тожикистон Ташқи ишлар вазирлигининг хабар беришича, баъзи оммавий ахборот воситаларида Рустам Эмомали 2019 йилда Исроилдаги Herzliya тиббиёт марказида даволанганлиги тўғрисидаги маълумотларнинг тарқалиши муносабати билан, Ўзбекистондаги Тожикистон элчихонаси Исроилнинг Тошкентдаги элчихонаси билан боғланган.
Исроил дипломатлари ҳозирги вақтда Исроил Соғлиқни сақлаш вазирлигининг Исроил полицияси ва Twitter маъмуриятига тақдим қилган расмий илтимосига биноан ушбу ёлғон маълумот манбаси аниқланаётгани тўғрисида тожик томонига хабар берган.
Бундан ташқари, Исроил Соғлиқни сақлаш вазирлиги мамлакатда Душанбе мерига нисбатан даволанишга оид маълумотлар ҳақиқатга мос келмаслигини аниқлади.
Herzliya тиббий марказининг бош директори Дани Энгел Исроил Соғлиқни сақлаш вазирлигига Twitter’даги маълумотлар билан ҳеч қандай алоқаси йўқлигини ва шунга ўхшаш нарса ёзмаганлигини айтди.
Шу муносабат билан, Тожикистон Ташқи ишлар вазирлиги маҳаллий ва хорижий оммавий ахборот воситаларидан бундай материалларни нашр этишдан олдин уларнинг ишончлилигини текширишни сўраган.
Изоҳ (0)