Toshkent shahar Uchtepa tumanida 27-sentabr kuni 16 yoshli qiz Spark avtomobili boshqaruvini eplay olmay, yo‘l-transport hodisasi sodir etgan. YTH oqibatida Spark salonida bo‘lgan 14 yoshli bola vafot etgan. Bu haqda ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 2020-yilning 27-sentabr kuni soat 20:00 da Toshkent shahar Uchtepa tumanida 2004-yilda tug‘ilgan, haydovchilik guvohnomasiga ega bo‘lmagan qiz Sh.N. Spark avtomobilini boshqarayotib o‘zidan oldinda harakatlanib ketayotgan haydovchi, 1982-yilda tug‘ilgan I.A. boshqaruvidagi Nexia avtomobilni quvib o‘tishga uringan. Quvib o‘tish chog‘ida 16 yoshli qiz Nexia bilan to‘qnashib, boshqaruvni yo‘qotgan va yo‘lning qarama-qarshi bo‘lagiga o‘tib ketgan. Spark qarshisidan kelayotgan 1974-yilda tug‘ilgan A.M. boshqaruvidagi Lacetti avtomobili bilan to‘qnashgan.
Natijada Spark yo‘lovchisi 14 yoshli A.N. shifoxonaga olib ketilayotganda yo‘lda vafot etgan. Ushbu avtomobil haydovchisi 16 yoshli Sh.N. va Lacetti haydovchisi 46 yoshli A.M. tan jarohati olib shifoxonaga yotqizilgan.
Mazkur YTH yuzasidan Toshkent shahar IIBB tomonidan O‘zbekiston Respublikasi Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, hozirda tergov harakatlari olib borilmoqda.
Mavzuga doir:
- Andijonda Volvo yuk mashinasi ikki nafar qizaloqni bosib ketib, xonadonlarning biriga borib urildi
- Urgutda 21 yoshli yigit “Jiguli”sida velosipedda ketayotgan sinfdoshini urib yubordi. Velosipedchi voqea joyida halok bo‘lgan
- Samarqandda 18 yoshli o‘smir avtobus urib yuborishi oqibatida vafot etdi. Tez yordam shifokori YTH joyiga yetib borganida jabrlanuvchi o‘z o‘g‘li ekanligini bildi
Izoh (0)